Notater:
Aure kirke
Aure kyrkje er ei korskyrkje frå 1924 bygd av lafteplank og med sitjeplass til 800 personar. Arkitekt var Nils Ryjord, byggmeister var Edvard Karsvik, Bremsnes.
Aure var ei av 3 kannik-kyrkjer på Nordmøre og har vore kyrkjestad sidan 1430. Dagens kyrkje er bygd etter at korskyrkja frå 1726 brann grunna lynnedslag. Kyrkja er ei av dei største trekyrkjene i Møre. Altarskåpet (Mariaskåp) er frå kring 1460, døypefonten i barokk/rokokkostil er frå 1720 og altartavla i rokokkostil er frå 1730-93. Preikestolen i rokokkostil er frå 1923. Korskiljeveggen er laga etter modell frå Halsa kyrkje. I 1996 vart himlinga måla og brann-, innbrots- og lynvernanlegg montert.
(Kjelde: Kyrkjene i Møre).
